تورکیه، پارتلاییش، دهشت، حقیقت... یاسین حاجی زاده

تورکیه، پارتلاییش، دهشت، حقیقت... / یاسین حاجی زاده

 

دعوت هفته لیک درگی سی

باش سؤز

179اونجو سای

یکشنبه - 94/8/3

 

 

اورتا دوغو اولای لارینین ماراقلی تعقیبچی لری، آیدینجا چاتیشما طرف لرینین سیاسی چیزگی لر ایچرسینده قاریشیق قازانج آلانلارینی، آیریجا سیاسی چوزوچولرین بو قاریشیق آلانلار تحلیلینده عاجیز قالدیق لارینی آیدینجا ایزلییرلر. نئجه کی آنکارانین صولح توپلانتی سی ایچره ایکی پارتلاییشین اؤز وئردیینده، کیمسه موعادیلاتین بو قدر دولاشیق اولماسینی دوشونه بیلمدی.

 

خبر باشلیق لارینی منیمسین احمد داوود اوغو دا پ.ک.ک ایله داعیش اورگوتلری نین بو پارتلاییش ایچرسینده ایزلرین دن دانیشیردی. آنجاق بو آرادا دوشونجه لری قاریشدیران تک موضوع، پ.ک.ک ایله داعیشی تک ایکی پارالئل، آیریجا قانلی پیچاقلی اؤرگوت لر نه شکیلده بیر آرایا گلیب، اورتاق شکیلده بیر اوپراسیون دوزنلمک لری فیکیر آلانلاریندا مئیدان سولاییردی.

 

آنجاق اولای لاری اینجه شکیلده گؤزدن کئچیردیک ده، پ.ک.ک ایله داعیش اورگوتلرینین ایش بیرلیگی، چوخ دا اولونماز بیر اولایا بنزرلیگی یوخدور. باخمایاراق کی داعیش رهبرلیگی آنکارا اینیحار اوپراسیونون دان بیلگی سیز دوروموندان دانیشیب، اوپراسیون پیلانچی لارینی تبریک ائتدی.

 

پ.ک.ک و داعیش رهبرلیگی نین آنکارا پارتلاییشی حاقدا بیلگی سی اولماسادا، کندی اؤیه لری طرف دن پیلانلانیب، ایجرا اولونوب دور باخمایاراق، رسمی شکیل ده بو عملیاتین باشقاچی لیغین بویون اولمادی. دئیر طرف دن بیر گئجه اؤنجه، سوسیال مئدیالار ایله توییتر پ.ک.ک اؤیه لرینه منصوب ائکانت لار وسیله سی ایله، یارین گؤنده آنکارادا قانلی پاتلاییش باره ده بیلگی وئریلمیش دیر.

 

اصله دؤندوکده، پ.ک.ک ایله داعیش تئرور اؤرگوت لر رهبریلیگی ایله ایلگی سیز اولان بو پارتلاییش، خصومتلی اؤلکه لرین ایطیعات - گوونلیک تشکیلاتلار ایچره پیلانلانیب، داعیش ایله پ.ک.ک نین یاری-باغیمسیز اؤرگوت لری الی ایله باش توتموشدور.

 

داعیش ایله پ.ک.ک چوخلو تصوراتین عکسی، منسجم تشکیلات لاردان فایدالی اولماییب، باشقا تئرور اورگوتلرتک، خیردا - مشبک چته لردن دوزنلنمیش دورومدا، هیتروتنیک شکیلده رهبریت ایله، ایلگی ده اولوب، تعریف اولونموش عملی آزادلیقلار واسیطه سی ایله چئشیتلی پیلان لارین آپاریجی سی اولورلار. بو اوزدن سه تئرور اؤرگوتلری، اؤزل دوروملاردان باشقا، باش توتان اوپراسیونلارین سورومون قبول ائتمک باره ده،ماراقسیز چیخیشلاری اولور. ایکی تورک پولیس ضابیتی نین یوخو حالیندا قتلی ایله ایرانلی شوفر یاردیمچی سی نین قتلینه ایشارت، پ.ک.ک اورگوتونون سورومونا کئچمییب، اورگوت رهبرلیگی طرفدن، تورکیه دؤولتینینه نصب اولونوب وورغولاندی.

 

ساییلان اؤزللیک لر، ایطیلاعات - گوونلیک تشکیلاتلارینی، آزاجیق هزینه لرله بو چته لره کئچیم باغلانتی لارینی راحاتلادیب، اونلاری ایستدیک لری آماجلارا نئجه یوروتمه لری، آنکارا پاتلاییش لاریلا عیراق دا تئروریستی اوپراسیون لار بویوجا آنلاماق اولار.

 

موتخاصیم اؤلکه لرین آنکارا واریاتی بویوجا، ایزلری، آیریجا تئرور چته لری ایچره، الده ائتدیکلری پوروپاگاندا، نئچه لر اؤرگوتو بو اوپراسیون حاقدا تحریکینده باشاریلی اولوب، بیر طرف دن سه ایجرا ملزوماتینی، اینتحاری اوپراسیون موجری لرینه چاتدیریب. دئیر طرف دن سه پ.ک.ک ایچرسینده اولان یاری باغیمسیز چته لری، قونودان دان خبردار ائدرک پاتلاییش دان سونرا، تورکیه دؤولتین ح.د.پ سمپاتلارینین قیریمینا محکوم ائتمک آماجی ایله رئکلامیک آلانلار یولا سالینماسینی ایستمیش. ائلجه ده رئکلام پروسه سی باشلانیلیب، ایکی فرقلی توییتر اکانتین دان آنکارانین صاباح کی پاتلاییش بیلگی لرینین وئریلمه سی، آیریجا پاتلاییش دان سونرا دا بو ایکی فرد، تورکیه پلیسی طرفین دن توتوقلانیب، پ.ک.ک عضوو اولدوقلاری آیدینلاندی. آردیجا پاتلاییش دان نئچه دقیقه آرتیق اؤتمه دن ائلجه اؤلو لر ایله یارالی لارین سایی دا اوزه چیخمامیش حالدا، صلاح الدین دیرتاش، تورکیه دؤولتینین کورد خالقینی سوی قیری ائتمک آماجی ایله بو اولای دا الی اولدوغونو وورغولادی.

 

 

سونوچدا گؤرولن حالدا، اؤلکه کونسر سیمونا چئوریلن بؤلگه نین تئرور اورگوتلری، منازعاتلی اؤلکه لرین کنسرسیومونا چئوریلیب، سورونلار یاراتماغا باشلاییب، بیر گون بیر اؤلکه بیر تئرور قوروپون سئچیب، آماجلارینا چاتماغا قوللانان اؤلکه، دئیر گون باشقاسی بو قوروپو مطیع ائتمک چون چالیشیر. سونوچدایسا آماجلارینا چاتدیق دان سونرا اؤرگوت دن ایلگی لرینی کسیب - بوراخیر، یوخسادا اؤرگوت زیان چاتدیرا بیله جک مقامدا چیخیش ائتدیکده آرادان قالدیریر.

 

آنجاق هر شکیلده، سادجه گوناهسیز خالقلار تئرور اورگوتلری نین آچ گؤزلوک لرینه قوربان گئدیرلر. بودا غائله نین سونو اولماییب، حیکایه آردیندا اؤرگوتلرین آرتیق بهره الده ائتمک آماجی ایله متحدلشمه یوخسا ان آزیندان بیر بیرلرینه یول آچسینلار. تام بو زامان دیر کی اؤلکه لر داها قانلی فاجیعه لره معروض قالیرلار.

موضوعات مرتبط: اجتماعی ، سیاسی درسی به قیمت گذاف/...