آذربایجان سؤیلمی نین اؤگئی ساوونوجولاری/آتیلا حاجی زاده

دعوت هفته لیک درگی سی

184اونجو شماره

باش سؤز

دوشنبه - 94.11.12

میللت تعریفینی هر اولکه نین دؤولت طرف دن تعیین اولدوغونا باخمایاراق بیر چوخ زامانلار اؤزللیکجه میللت چوخونلوغو اولان اؤلکه لر ایچره، میللت لری مللت لشمه یه دوغرو آپاران باشقا عونصورلر اولور. بیزیم اؤلکه کثیرالملل اولکه لر ایچرسینده یئرلشیب، ایسلامیت محورینده میللت لشدیی دئییلیر.

آنجاق پهلوی رژیمی نین فاشیستی دؤنمی نین دئوریلدیی ائله جه اؤلکه میزده ایسلامی اینقیلابین ظفری ائلجه آنا یاسانین نیظاملانماسین دان 40 ایل کئچمیینه باخمایاراق، بو گونه قدر آنا یاسانین بعضی گئجیکمیش مادده لری آیریجا بو مادده لرین سوروندورمه چیلیک پروسه سینه شاهیدیک. اؤلکه میزین آنایاسیندا رسمی شکیل ده قید اولان بو مادده لرین، ایجرایی ضرورتینه باخمایاراق، اونون یؤنتیلمه سی ایناتچیل دیرنیش ایله قارشی قارشی دیر. 

جومله گئجیکن قومیت حاقلاریلا ایلگیلی اولان 15 ایله 19 اونجو اصل لر تک آنا یاسا مادده لری نین هئچ بیر ایجرایی آرخا ایله اطرفلی چؤزوم پوروقرامین دان فایدالی اولمادیغی بو مادده لری کوتله حتتا دوشونجه الده لرینه قارانلیق دوروما داخیل ائتمیش.

انجاق هر دؤور، ایسلامی شورا پارلیمانی نین سئچگی لری، عرفه سینده قومیت لر حاق قونوسو بیرده دیرچلیب، دؤنم لر بویوجا حاق یؤنتیلمه سینه قارشی دیره نیش گؤستره ن آدای لاردا، هویت طلبلیک دامغاسی داشییب، اولوسال حاقلارین ساوونوجوسو اولورلار.

10نجو ایسلامی پارلیمان سئچگی لرعرفه سین ده هویت طلبلیک آخیمی، باشقا سیاسی آخیملارایله بیرگه، کندی آدایلارینی، اوچونجو سؤیلم آدی ایله سئچگی آلانلارینا داخیل ائتدی، آنجاق آدایلارین کئشیکچی قوروم فیلترین دن کئچمه مزلیی، اوچونجو سؤیلم آیلانلاری آیریجا بو سؤیلم طلب لرینی باشقا آدایلارین سئچگی رئکلام لارینا آلای ائتدی.

کیمی گئجیکن آنایاسا مادده لری، کیمی اورمو گولو، کیمی ده اینکیشاف عونصورون بایراق ائدرکن اله آلیب، آذربایجانین حاق ساوونوجوسو اولان بیر آدای تک، چیخیش ائدیر. اسکی دن سوروملولوقلاری، آیریجا میللت وکیلی پئشه سینده ایشتیغال ائدن آدایلار، ندن سوروملولوق دؤنمینده، آزربایجان طلب لرینی ندن ساوونوب چؤزمدیک لری، آیریجا گله جک ده نئجه چؤزه جک لری، دوشونجه آلانین دا، مئیدان سولاییر. البته منفعت طلب لری ایله سئچگی دلال لارینین باش وئرن دوروما داخیل، گؤرکملی روللاری اولوب. 

آنجاق آذربایجان سؤیلمی نین ایده آل لاری ایله طلب لری، هر کسه آیدین اولدوغو آیریجا بو سؤیلمین فاعاللاری نین، آلدانیلماز مقامدا چیخیشلاری، آلایچی پیلانلاری چوزه رک، دلال لاری سؤیلم اورتامین دان دیشلامیش. اومود وار ایتتیحادلی سؤیلم توپلومونون یارانماسی، داها آرتیق بو سؤیلمین گوجلنمه سینه سبب اولوب، اؤگئی ساوونوجولاری قومی طلب لرین آلای ائدیلمه سین دن دوردورسون.