اولکر ادبی تاخمالیغی ایله تانیلان حبیب ساهیر، شاعر، یازار، چئویرمن و آذربایجانین تورکجه ادبیات آراشدیرماچی سی دیر.
حبیب ساهیر 1882 اینجی ایلین اردیبهشت آییندا میانا قصبه لرین دن اولان ترک شهرینده آنادان اولدو. اوشاق یاشلارین کئچیرن ساهیر آتا-آناسی ایله بیرگه تبریزه کؤچدو.
آتاسی مشروطیت قارقاشالاریندا ایتگین دوشوب، حبیب یاشی نین کیچیک آنلارین دان آتاسیز بوی آتدی. اورتا مکتبین ایکینجی صینیفیندا محمد حوسئین شهریارایله صینیف داش اولووب، چوخلو بیلگین لرین دئدیی ایله باغلی، شهریار ساهیر ایله ادبی علاقه اوزرین دن «شهریارا بی حبیب خود نمیکردی سفر»، بئیتینی ساهیره سونموش.
اورتا مکتبی بیتیردیک دن سونرا کوردوستانا کؤچوب، موحاسیبه چی اولاراق فئوداللار دسگاهیندا ایشه باشلادی.18 یاشیندا اولان ساهیر سونرا ایستانبولا کؤچوب 1304 اینجی ایلده بو شهرین بیلیم یوردوندان جوغرافیا لیسانسیاسی آلدی. بو دؤنمین باشی ساهیرین، 40 ایللیک معلیملیک ایله یارادیجیلیق حایاتی باشلانیب، ایلک اؤنجه آذربایجان کندلرینده، عؤمرونون سون دؤنمینده ایسه تئهراندا معلیمچیلیک پئشه سی ایله ایلگی لندی.
تورک، فارس، فیرانساجا ادبی ایزلری یاییملانان،حیکایه چی و شاعیر، حبیب ساهیر، تقی خان رفعت ایله بیر دؤنم آیریجا نیمانین چیخیشین دان اؤنجه فارسجا یئنی شئیر قوشوب تورکجه شئریمیزه یئنی دب اکله ین حبیب ساهیر، تورکجه یئنی شئیر آتاسی[۱] آدلانیب.
بوگونسه، تورکیه ایله آذربایجان جومهوریتی نین ادبیات فالکولته لرینده، ساهیرشیناسلیق دئیه سی 3واحید درسلیک ده ادبیات اؤیرنجی لرینه، تانیملانیب.